జీవితం ఒక అర్ధం కాని పుస్తకం...
జీవనం అంతులేని కావ్యం...
ప్రేమ మధురమయిన అనుభవం...
ద్వేషం అర్థం లేని అజ్ఞానం...
ఈ సృష్టి ఎంతో అందమయినది, విభిన్నమయినది..
ప్రతీది మనలా ఉండాలనుకోవడం స్వార్ధమే అవుతుంది..
ఒకవేల ఉంటే కొన్నాళ్ళకు మనకే మొహమొత్తుతుంది...
అందుకే ఈ సృష్టి విభిన్నమయినది, అందమయినది.
దేవునికి ఆభరణాల వలె, మనకు ఈ భందాలు భాద్యతలు..
స్వల్పమయిన కాలం లో ఈ అల్పమయిన ఆభరణాల కోసమేనా మన ఈ ఆరాటం..!
కన్ను తెరిస్తే జననం, కన్ను మూస్తే మరణం.. ఈ రెప్ప పాటు ప్రయాణానికి ఎందుకింత పోరాటం...!
తత్వాన్ని తెలుసుకోలేని వాడు తప్పులెంచుతాడు..
శాశ్వతమేదీ కాదు అని తెలిసి కూడా ఆశపడతాడు..
మనిషిని మనిషి గా చూడలేని వాడు అభ్యుదయం అంటూ ఆరాటపడతాడు..
ఓటమిని అంగీకరించలేని వాడు గెలుపు వెనుక పరుగెడతాడు..
భాధను భరించలేని వాడు ఆనందానికయి ఆశ పడతాడు..
ప్రేమను పంచలేని వాడు ఎప్పటికీ ప్రేమించబడడు...
నువ్వు అనుకునేదే కాదు జీవితం..
ఈ సృష్టి అనే పుస్తకంలో అదొక చిన్న కాగితం..
నీ చేతిలోనే ఉంటుంది అది మధురమయిన అనుభవం గా మిగులుతుందా, లేక అర్ధం లేని అజ్ఞానం గా మారుతుందా అని..!!
మీ................... సతీష్
No comments:
Post a Comment