ఎలా మరచిపోగలను...!
అమ్మ ఒడిలో ఆప్యాయతను,
బావి గట్ల దగ్గర బాల్యాన్ని,
పిల్ల కాలువల వద్ద ప్రాణ స్నేహితులను,
పచ్చటి పొలాల మధ్య జీవిత పాఠాలను.
తలుచుకోకుండా ఉండగలనా...!
ఊరంతా చుట్టాలను,
ఊరేగింపుగా వచ్చే రథాలను,
ఆటపట్టించిన అల్లర్లను,
అలుపెరగని ఆట పాటలను.
బాధ పడకుండా ఉండగలనా...!
ఊరుని విడిచి పెట్టిన ఆ రోజులను,
బందాలంటూ లేని ఈ రోజులను,
వలస పోతున్న జనాలను,
ఊరిని వల్ల కాడు చేస్తున్న రాజకీయాలను,
డబ్బు తప్ప ప్రేమ లేని మనుషులను.
